Europako Batzordeak bi deialdi egin ditu, mundu birtualetako eta adimen artifizial sortzailearen (AA) arloko lehiari buruzko ekarpenak jasotzeko, eta informazio-eskaerak bidali dizkie zenbait eragile digital handiri.
Interesa duten alderdi guztiei gonbit egin zaie beren esperientzia partekatu dezaten, informazioa eman dezaten mundu birtualetan eta adimen artifizial sortzailearen (AA) arloan dagoen lehia-mailari buruz, eta beren ikuspuntua azal dezaten lehiari buruzko zuzenbideari buruz, eta, zehazki, azal dezaten, haien ustez, zuzenbide horrek nola bermatzen ahal duen merkatuak lehiakorrak izatea aurrerantzean ere. Europako Batzordeak arretaz aztertuko ditu ekarpen-deialdien bidez jasotako ekarpen guztiak. Horiek aztertu ondoren, Batzordeak lantegi bat antolatzen ahalko du 2024ko bigarren hiruhilekoan, ekarpenetatik sortzen diren ikuspuntu guztiak biltzeko eta gogoeta horri jarraipena emateko.
Gainera, Europako Batzordea aztertzen ari da merkatu digitaleko eragile handien eta AA sortzailearen garatzaile eta hornitzaileen artean egindako akordio batzuk. Europako Batzordea aztertzen ari da zer eragin izaten ari diren akordio horiek merkatuaren dinamikan.
Azkenik, Europako Batzordea egiaztatzen ari da ea Microsoftek OpenAIn egiten duen inbertsioa berrikusten ahal den, EBko Kontzentrazioen Erregelamenduaren arabera.
