Guztira 23 hautagaitza jaso ditu deialdiak osasunaren, fabrikazio aurreratuaren, nekazaritzako elikagaien industriaren, energia berriztagarrien eta sormen- eta kultura-industrien arloetan.
Akitania Berria-Euskadi Nafarroa Euroeskualdeak mugaz gaindiko zazpi lankidetza-proiektu hautatu ditu, Foru Komunitateko erakunde eta enpresek parte hartuko duten sektore estrategikoetan. Proiektu horiek 400.000 euro baino gehiagorekin finantzatuko dira.
2023ko Euroeskualdeko Berrikuntza proiektuen deialdiak 401.165 euro banatuko ditu edizio honetan, osasunaren, fabrikazio aurreratuaren, nekazaritzako elikagaien industriaren, energia berriztagarrien eta sormen- eta kultura-industrien arloetan guztira 23 hautagaitzatatik hautatutako zazpi proposamenen artean.
Euroeskualdeko berrikuntza-proiektuen deialdiak, Akitania Berria-Euskadi Nafarroa Euroeskualdeak bultzatutakoak, Euroeskualdearen garapen lehiakor eta erresilientea bultzatu nahi du iraultza digitalaren esparruan, jasangarritasunerako espezializazio adimendunaren, ezagutza eta berrikuntza sortzearen eta ekonomia zirkularraren aldeko apustuaren bidez. 2015ean sortu zen, eta Akitania Berriko, Euskadiko eta Nafarroako erakundeen eta enpresen arteko trakzio-proiektuak garatzen laguntzea du helburu. Hasieratik, Euroeskualdeko Berrikuntza proiektuen deialdiak 51 proiektu bultzatu ditu, guztira 2,9 milioi euro.
