Europako Batzordeak Europar Batasuneko estatu kideetako Energiaren eta Klimaren Plan Nazionalen (NECP, ingelesezko siglen arabera) proiektuen ebaluazioa argitaratu du.
Era berean, gomendio eta ebaluazio indibidualak argitaratu ditu, herrialdeek beren asmoak handitu ditzaten, EBren 2030erako helburuen arabera. Besteak beste, Europako Batzordeak herrialde guztiak bultzatzen ditu energia berriztagarriak hobeki integratzeko prestatzera, bai eta energia segurtasuna hobetzeko beharrezko neurriak hartzera ere.
Haren ebaluazioan, Europako Batzordeak adierazi du eguneratutako Energiaren eta Klimaren Plan Nazionalek laguntzen dutela EBren 2030erako helburuak betetzen eta berriki adostutako legeria ezartzen. Hala ere, argi dago ahalegin gehiago egin behar direla, kontuan hartuz, orobat, COP28ren emaitza eta hamarkada honetan mundu mailan ekintzak bizkortzeko egindako deia.
Europako Batzordearen azterketa Energiaren eta Klimaren 21 Plan Nazionaletan oinarritzen da. Plan horiek behar bezalako aurrerapenarekin aurkeztu ziren, besteak beste, Espainiakoa, eta eskuragarri zeuden beste datu batzuekin osatu ziren. Hiru estatu kidek (Belgika, Irlanda eta Letonia) beranduegi aurkeztu zituzten beren planen proiektuak, abendu aurretik ebaluazio espezifiko bat egiteko, eta hiru herrialdek (Austria, Bulgaria eta Polonia) oraindik ez dituzte beren proiektuak aurkeztu.
