Larunbatean Dubain egindako Klimaren aldeko Ekintzako Munduko Goi-bileran, Ursula von der Leyen presidenteak Energia Berriztagarriei eta Eraginkortasun Energetikoari buruzko Mundu Konpromisoa jarri zuen abian, COP28ko presidentearekin eta 118 herrialderekin batera.
Ekimen hori Batzordeko presidenteak proposatu zuen lehen aldiz apirileko Ekonomia Nagusien Foroan. Ekimenak honako helburu orokor hauek ezarri zituen: energia berriztagarriaren ahalmen instalatua hirukoiztea, gutxienez 11 terawattera (TW) iritsi arte, eta munduko energia eraginkortasunaren hobekuntza tasa bikoiztea, urteko % 2tik % 4ra igarota, gutxi gorabehera, hemendik 2030era. Helburu horiek lortzeak deskarbonizatutako energia sistema bateranzko trantsizioa bultzatuko du, eta murriztu gabeko erregai fosilak pixkanaka ezabatzen lagunduko du.
Mundu Konpromisoa Europako Batzordearen eta COP28ko Presidentearen arteko lankidetza estuan garatu da, Energiaren Nazioarteko Erakundearen (AIE) eta Energia Berriztagarrien Nazioarteko Erakundearen (IRENA) laguntzarekin. Konpromiso hori COP28ren lehen egunetan hartu zen, eta aurtengo konferentziaren amaieran ahalik eta emaitza negoziatu handiena lortzen lagundu beharko luke. EBk mundu mailako energia sistema guztietan erregai fosilak, bereziki ikatza, pixkanaka ezabatzeko neurri zehatzak hartzeko eskatu du, eta COPen azken erabakian hori islatuko duen formulazioaren alde eginen du.
Informazio gehiago:
Energia Berriztagarriei eta Eraginkortasun Energetikoari buruzko Mundu Konpromisoa
Von der Leyen presidentearen hitzaldia, Mundu Konpromisoaren inaugurazio ekitaldian
Energia berriztagarrietarako eta energia eraginkortasunerako helburu globalak
