Kontseiluaren Lehendakaritzak eta Europako Parlamentuko negoziatzaileek behin-behineko akordio bat lortu dute, publizitate politikoaren gardentasunari eta orientazioari buruzko erregelamendu berri baten elementu politiko nagusiak zehazten dituena.
Erregelamendua prestatu da, kezka handia dagoela informazioa manipulatzeak eta atzerritarrek hauteskundeetan esku hartzeak dakartzaten arriskuekin. Haren helburua da herritarrei iragarki politikoak ezagutzen laguntzea, haien atzean nor dagoen ulertzea eta iragarki zuzendu bat jaso duten jakitea, aukera hobeak izan ditzaten jakinaren gainean egonda hautatzeko.
Estatu kideetan eztabaida politiko irekia eta bidezkoa bultzatuko du, informazio objektibo, garden eta pluralistan oinarritua, eta publizitate politikoa oinarrizko eskubideak erabat errespetatuz eginen dela bermatuko du, intimitaterako eskubidea barne.
