Berriki onetsi den Energia Teknologiaren Europako Plan Estrategikoaren (ETEPE) berrikuspenak lagunduko du jatorrizko ETEPEren helburu estrategikoak bateratzen Europako Itun Berdearekin, REPowerEU Planarekin eta Itun Berdearen Industria Planarekin, bereziki, Zero Industria Garbiaren Legearekin. Plan horrek ikuspegi koordinatua bermatuko du,Europako deskarbonizazio helburuak lortzeko, zero balantzeko teknologia estrategikoak babesteko, eta etorkizun energetiko jansagarria eta erresistentea eta industria lehiakortasuna eraikitzeko.
ETEPE 2007an sortu zen, eta erabakigarria izan da energia teknologia garbiak, eraginkorrak eta kostuen aldetik lehiakorrak garatzen laguntzeko. Horretarako, Europako industriak, mundu akademikoak eta gobernu nazionalek energia garbien ikerketa eta berrikuntza koordinatu dituzte, eta lankidetzan aritu dira arlo horietan.
Nahiz eta eguneratutako ETEPEk funtsezkoa izaten jarraituko duen Energiaren Batasunaren bosgarren dimentsioa betetzeko, hau da, Ikerketa, Berrikuntza eta Lehiakortasuna, Europako Ikerketa Esparruari (EIE) ere tinko lotuta egonen da.
