EBko Enplegu eta Gizarte Gaietako ministerio arduradunak bildu dira Luxenburgon, Europako 2023ko Seihilekoari eta teknologia berriek lanean duten eraginari buruz eztabaidatzeko.
Ministerio arduradunek akordio politiko bat lortu dute honi buruz: gizarte ekonomiari laguntzeko esparru bat garatzeari buruzko gomendioa. Era berean, Kontseiluak honako gai hauei buruz atera dituen ondorioak onetsi dituzte: osasun mentala eta lan prekarioa, ijitoek etxebizitza egokia eta bereizi gabea eskuratzeko duten berdintasuna, eta langile autonomoen gizarte babesa.
“Ondorio horiek aurrerapauso garrantzitsua dira osasun mentalaren ondorioak aitortzeko eta langileen ongizate psikologikoa aktiboki sustatzeko”.
Yolanda Díaz Laneko eta Ekonomia Sozialeko jarduneko ministroa
Gainera, ministroek eztabaida bat izan zuten Europako gizarte babeseko sistemak finkatzeari eta indartzeari buruz.
“Europa bat dator ideia honekin: aurrerapen sozialak eta garapen ekonomikoak elkarrekin egin behar dute aurrera, desberdintasunak murrizteko, enplegua eta aukera sozialak emateko, eta gizarteko talde ahulenak babesteko”.
José Luis Escrivá Inklusioko, Gizarte Segurantzako eta Migrazioetako jarduneko ministroa
Halaber, ministerio arduradunek ondorio batzuk onetsi dituzte ijitoek etxebizitzaren arloan duten egoera hobetzeko eta segregazioa desagerrarazteko, eta, aldi berean, ijitoen aurkako jarreren arazoari heltzearen garrantzia azpimarratu dute.
