Helburuak dira uholdeak prebenitzeko sistema jasangarriak bultzatzea, berdeguneak areagotzea eta “klima babeslekuak” sustatzea, biodibertsitatea bermatzeko, besteak beste.
Dirulaguntzaren xedea da lege horretan eta Klimaren eta Energia Jasangarriaren aldeko Ekintza Planetan (PACES) aurreikusitako ingurumen txostenak eta proiektuak idaztea eta jarduera zehatzak gauzatzea. Zehazki, esku hartzeak sustatu nahi dira, hala nola drainatze jasangarriko hiri sistemak ezartzea, uholdeak prebenitzeko; hiri espazioak “birnaturalizatzeko” neurriak hartzea, berdeguneetarako azalera handituz; biodibertsitatea kontserbatzea ahalbidetuko duten “klima babeslekuak” ezartzea; eta hezeguneak berreskuratzeko edo mantentzeko ekintzak.
