Trantsizioetarako Kohesio Praktiken Komunitatea (C4T) laguntza teknikoko ekimen berritzaile bat da. 2023ko urtarrilean abiarazi zen eta haren xedea da Europako Itun Berdea bizkorrago ezartzen laguntzea kohesio-politikaren 2021-2027 programetan aurreikusitako inbertsioen bitartez.
Helburuak betetzeko, C4T bost lan-ildotan banatu da:
- C4T Groundwork-ek neurrirako laguntza teknikoa ematen die estatu kideei eta EBko eskualdeei, kohesio-politikako profesionalekin batera lan egiten duten aditu-talde espezifiko baten bidez;
- Energiari, klima-aldaketari eta ingurumenari buruzko C4T lantaldeak honako hauek osatzen dituzte: kudeaketa-agintaritzek, bitarteko erakundeek eta beste erakunde publiko batzuek, eta PO2ren aplikazioan parte hartzen duten beste alderdi interesdun batzuek. Haietan parte hartzeko eskabideak zabalik daude eta inprimaki hau erabili behar da;
- C4Tren Zundaketako Batzorde Akademikoa jasangarritasunerako trantsizioen arloko 11 akademikok osatzen dute;
- C4T Biltzarra urteko bilera nagusia da kohesio-politikaren arloko profesionalentzako;
- C4T Foroa ekitaldi txikiago bat da, alderdi interesdunak harremanetan jar daitezen eta jasangarritasunerako trantsizioei eta kohesio-politikaren aplikazioari buruz eztabaidatu dezaten; 2023ko azaroaren 21ean eginen da, Bruselan.
