Aurten ere, Akitania Berriko (Frantzia), Euskadiko eta Nafarroako bio-osasunaren sektoreko enpresak bio-osasunari buruzko zortzigarren topaketetan bilduko dira. Aurtengoak urriaren 16an eta 17an izanen dira, Nafarroako Medikuen Elkargo Ofizialean (Iruña).
Topaketen xedea da bio-osasunaren sektorea Euroeskualdean bultzatzea eta, orobat, mugaz gaindiko lankidetza sustatzea hiru lurraldeetako osasun-arloko erakunde publiko eta pribatuetako ikertzaileen eta industriaren artean.
Jardunaldietan osasunaren sektoreko joera eta berritasun nagusiei buruzko hitzaldi eta solasaldiak egonen dira, baita networkinga eta B2B ekitaldiak ere, besteak beste.
