Batzordeak egungo arauak berrikusi eta Jostailuen segurtasunari buruzko erregelamendu bat proposatu du, haurrak babesteko jostailuek dakartzaten arriskuetatik.
EBn merkaturatutako jostailuak munduko seguruenetakoak dira dagoeneko. Proposatu diren arauek are gehiago hobetuko dute haurren babesa, batez ere substantzia kimiko kaltegarrien aurrean. Arauek, bestetik, seguruak izan gabe oraindik EBn saltzen diren jostailuen kopuru handia murriztu nahi dute, bereziki Internet bidez saltzen direnena, EBn egindako jostailuen eta inportatutakoen arteko baldintza-berdintasuna areagotzearren. Eta, aldi berean, merkatu bakarrean jostailuen zirkulazio askea bermatzen jarraituko dute.
