Batzorde Mistoak Windsor Esparruaren xedapen praktikoak ezartzeko erabakia hartu du. Erabaki horretan sartzen dira, besteak beste, honako hauek: merkatu bakarrean sartzeko arriskurik ez duten salgaien zirkulazioari buruzko xedapenak, Stormont-en balazta («Stormont Brake») eta BEZarekin eta zerga bereziekin lotutako irtenbideak, azken arlo horretan koordinazio mekanismo indartua ezartzea barne.
Bi alderdiek herritarren eskubideen gaia ere jorratu dute. Bat etorri dira EBko eta Erresuma Batuko herritarrei laguntzen jarraitzearen garrantzian, eta azken urtean ildo horretan egindako ahaleginak goraipatu dituzte, bi alderdiek kanpoko erakundeei emandako finantzaketa gehigarria barne.
