Batzordeak pozik hartu du Europako Parlamentuak eta estatu kideek Trebetasunen Europako Urteari buruz lortu duten akordio politikoa. Ursula von der Leyen lehendakariak Batasunaren 2022ko egoerari buruzko hitzaldian hura iragarri ondoren, Batzordeak Trebetasunen Europako Urteari buruzko proposamena legegilekideei aurkeztu zien joan den urrian.
Aurten trebetasunen garapena sustatzeko lan eginen da, herritarrek lanerako eta bizitzarako dauzkaten aukerak hobetuz horrela. Horri esker, Europa lehiakorragoa izanen da, bere eskulana bultzatuko du eta orobat bermatuko du eraldaketa ekologiko eta digitala eta susperraldi ekonomikoa sozialki justuak eta bidezkoak izanen direla.
