Nekazaritza, Arrantza eta Elikadura ministro Luis Planas Estrasburgon elkartu da Europako Parlamentuko Nekazaritza eta Landa Garapeneko Batzordeko eta Arrantza Batzordeko buruekin, Norbert Lins eta Pierre Karleskind, hurrenez hurren, eta haiei azaldu dizkie Espainiak urteko azken sei hilabeteetarako dituen helburu nagusiak.
Nekazaritza eta arrantza jardueren eta elikadura sistemen jasangarritasunean aurrerapausoak ematea izanen da funtsezko auzia, eta horrek markatuko du Espainiaren lehentasunen agenda Europar Batasuneko lehendakaritzaren lekukoa dagokion aldian, alegia, urtearen bigarren seihilekoan. Sei hilabete horietan Nekazaritza eta Arrantza arloetako ministroen 7 kontseilu bilduko dira, haietatik bi informalak, Kordoban eta Vigon.
