Madrilgo, Murtziako eta Iruñeko udalek, Kanaria Handiko Kabildoak eta Coruñako eta Bartzelonako diputazioek 24,8 milioi euro jasoko dituzte Suspertze Planeko Next Generation EU funtsetatik, batera finantza ditzaten tokiko eremuan ikus-entzunezko industria sustatuko duten azpiegiturak garatzeko proiektuak.
Ekonomia Gaietako eta Eraldaketa Digitaleko Ministerioak 100.000 biztanletik gorako udalerrietako toki-erakundeentzako dirulaguntzen deialdi honen ebazpena argitaratu du; deialdia Red.es enpresa-erakunde publikoak kudeatu eta ebaluatzen du. Sei proiektu gauzatuko dira, ikus-entzunezkoen arlora bideratutako tokiko azpiegiturak abian jartzea bultzatzeko.
