Europako Batzordeak gaur industriako goi-mailako mahai-inguru baterako deia egin du, EBko Energiaren Plataformaren lanari laguntzeko, hartara 2023an hastekoa den gasaren erosketa bateratuan aurrera egiteko. Gaurko bilera atzo hartutako erabakiaren ondoren etorri da; izan ere, EBko Energia Ministroek atzo onetsi zuten Batzordearen erregelamendu-proposamena. Erregelamendu horren helburua da elkartasuna hobetzea, horretarako gasaren erosketak hobeki koordinatuz, mugaz gaindiko gas-trukeak eginez eta prezioen erreferentzia fidagarriak ezarriz. Erregelamendu horrek oinarri juridikoa ematen du EBko gas-eskaera batera biltzeko, baterako erosketak egiteko eta azpiegiturak modu efizienteagoan erabiltzeko, EBko gas natural likidotuaren terminalak barne.
Ursula von der Leyen lehendakariak inauguratu zuen bilera, eta Maroš Šefčovič lehendakariordea izan zen buru. Bileran izan ziren EBko estatu kideetako eta Energiaren Erkidegoko alderdi kontratugileetako 33 enpresatako goi-mailako ordezkariak. Bileran aztertu zen EBko gas-industriak plataforman benetan parte hartzeko dagoen beharra, izan merkatuko operadore handiak zein txikiak. Plataformaren helburua da gas-erosketak koordinatzen laguntzea, aldi berean EBko botere politiko eta negoziatzaile kolektiboa erabiliz, EBko herritarrentzat eta enpresentzat prezio jasangarriko hornidura fidagarria bermatzeko. Urtarrilean, Batzordeak Zuzendaritza Batzordearen lehen bilera ofizialerako deia eginen du, bai eskaera batera biltzeko prozesua bai baterako erosketak koordinatzen laguntzeko. Batzordea EBko kide diren estatuek osatzen dute.
