Ostiralean argitaratutako Eurobarometroaren inkesta berri batek erakusten duenez, EBk energia-krisiari aurre egiteko egin berri dituen ekintzen alde daude EBko herritar gehienak. Zehazki, EBko hamar herritarretatik zortzi baino gehiago (% 82) ados daude EBk errusiar erregai fosilekiko mendekotasuna murrizteko neurriak hartzen jarraitu behar duela esatean. Inkestatutako pertsonen gehiengo handi batek (% 83) uste du Errusiak Ukrainaren aurka izandako gerrak premiazkoago egiten duela energia berriztagarrietan inbertitzea. Horien % 87k uste du funtsezkoa dela azpiegitura kritikoak babestea, hala nola gasbideak eta Interneteko kableak; % 83, berriz, ados dago elektrizitatearen prezioa ez dela gasaren prezioaren araberakoa izan behar.
Inkestatutako gehienek (% 85) aitortzen dute energiaren prezioen igoerak eragina izan duela beren erosteko ahalmenean. % 56 ados dago azken prezio-igoerak batez ere Errusiaren jokabide oldarkorraren ondorio direla; % 38 ez dago ados.
