Batzordeko Prestaketa eta Erantzun Sanitarioko Agintaritzak (HERA) esparru-kontratu bat sinatu du gaur Bavarian Nordic enpresarekin, 2023 eta 2024 bitartean tximino-baztangaren aurkako txertoaren 2 milioi dosi lortu ahal izateko. Kontratu horri esker, parte hartzen duten 14 herrialdeek txertoaren dosia eros dezakete, epe ertain eta luzera dituzten beharrak asetzeko eta erreserbak sortzeko. 2023ko bigarren hiruhilekoan, lehen txertoak entregatzen hasiko dira, dosiak batera eskuratzearen esparruan
Batzordeak tximino-baztanga Europan endemiko bihur ez dadin ahalegintzen jarraitzen du, Stella Kyriakides Osasun eta Elikadura Segurtasuneko komisarioaren eta Hans Henri P. Kluge OMEren Europarako eskualdeko zuzendariaren baterako adierazpen batean adierazten den bezala.
