REACT funtsak sartu aurretik programari zegozkion datuak gaur Iruñean egin den EGEF Programa Operatiboaren Jarraipen Batzordean aztertu dira
Gaur goizean, Iruñean, Nafarroako 2014-2020 EGEF Programa Operatiboaren Jarraipen Batzordea bildu da. Batzorde horrek programa horren exekuzio-egoera aztertu du, eta EGEF funtsen % 144 gauzatu direla baieztatu du (REACT funtsak izan ezik). Kopuru horiek bermatu egiten dute Nafarroara 44,5 milioi euro iritsiko direla, EGEF 2014-2020 Programa Operatibo honen esparruan aurreikusitakoak, eta Ogasun Ministerioak eta Europako Batzordeak zoriondu egin dituzte programa kudeatzeaz arduratzen diren unitateak, Europako Programen Atala eta Ekonomiaren Garapen Departamentuko Europako Funtsen Atala.
