Europako Batzordeak atzo argitaratu zituen Eurobarometroaren EBko lehiaren arloko politikari buruzko 2022ko inkestak. Inkestek adierazi dute herritarrek eta enpresa txiki eta ertainek (ETE) babes handia ematen diotela lehia politikari, baita haren aplikazioari ere.
Atzo argitaratutako Eurobarometroaren inkestek adierazi dute europarrek lehia politikaren helburu nagusiak babesten dituztela eta politika horrek Europako ekonomiari egiten dion ekarpen garrantzitsua aitortzen dutela. Zehazki, inkestatutako pertsonek adierazi dute, beren iritziz, esaldi hauek egiazkoak direla, lehia politikari dagokionez:
- berrikuntza sustatzen du (herritarren % 82 eta ETEen % 89);
- prezio hobeak ahalbidetzen ditu (herritarren % 74 eta ETEen % 81), eta hautatzeko aukera gehiago ere bai (herritarren % 83 eta ETEen % 84);
- EBko enpresak munduko merkatuetan lehiakorragoak izaten laguntzen du (herritarren % 72 eta ETEen % 73).
