Batzordeak asteartean argitaratu zuen DiscoverEUren udazkeneko deialdia. Deialdi horri esker, 35 000 gaztek tren bonu bat jasoko dute, Europa eta haren kultura aberastasuna ezagutzeko
Erasmus+ programaren herrialdeetako eskatzaileei ireki zaie deialdia, gaurko eguerdiko 12:00etatik urriaren 25eko 12:00etara bitartean. Bidaia bonu bat lortzeko, gonbita egiten da hautagaitzak Gazteriaren Europako Atarian aurkezteko eta bost galdera –gehi berdinketak hausteko beste bat – dituen galde-sorta bati erantzuteko. Hautaketako galde-sortari behar bezala erantzun diotenek, betiere 2004ko urtarrilaren 1etik abenduaren 31ra bitartean jaio badira, Europan barna bidaiatzen ahalko dute, gehienez ere 30 egunez, 2023ko martxoaren 1etik 2024ko otsailaren 29ra bitartean.
