Batzordeak estatu kideei eskatu die gutxieneko errentaren erregimenak modernizatzeko, Europan pobrezia eta gizarte bazterketa murrizteko egungo konpromisoaren zati gisa
Kontseiluak gizarteratze aktiboa bilatzen duen gutxieneko errentari buruz egindako gomendioaren proposamenean, modua ezartzen da estatu kideek gutxieneko errentaren erregimenak modernizatu ahal izateko, helburu hauekin: erregimenak eraginkorragoak izatea, pertsonak pobreziatik ateratzeko gai izatea eta, aldi berean, lan egiteko moduan dauden pertsonak lan merkatuan sar daitezen sustatzea.
Proposamenak lagunduko du EBren 2030erako helburu sozialak lortzen, pobrezia edo bazterketa arriskuan dauden pertsonak gutxienez 15 milioi gutxiago izan daitezen, Gizarte Eskubideen Europako Oinarriaren Ekintza Plana izenekoan ezartzen den bezala. Halaber, estatu kideei lagunduko die 20 eta 64 urte bitarteko biztanleen % 78k, gutxienez, enplegua izateko helburua lortzen.
