Gaur egindako #S4EkitaldiEstrategikoa sektoreak aurrean dituen aukera berrietan oinarritu da, krisi energetikoari aurre egiten lagunduko baitiote
Garapen Ekonomiko eta Enpresarialeko kontseilari Mikel Irujok “energia berriztagarrien sektorean Nafarroako I+G arloak duen garrantzia” nabarmendu du gaur goizean. Irujok adierazpen horiek egin ditu bere Departamentuak Herritarrekiko Harremanetakoarekin batera antolatzen duen hirugarren #S4EkitaldiEstrategikoaren irekieran. Jardunaldi horiek I+G arloko Proiektu Estrategikoen deialdiaren barneko erronka ezberdinetan oinarritzen dira, eta horien helburua da enpresen eta ikerketa eta ezagutza-hedapeneko erakundeen artean sinergiak sustatzea.
