Batzordeak «Europako Unibertsitateak» ekimenerako 2022ko deialdiaren emaitzak iragarri ditu gaur: Erasmus+ programaren 272 milioi euroko aurrekontu errekorrari esker, Europako egungo hamasei unibertsitatek laguntza jasotzen jarraituko dute, eta lau aliantza berrik lankidetzari ekinen diote
2020an hautatutako hogeita lau aliantzekin, Europako berrogeita lau unibertsitatek badute hogeita hamaika herrialdetako hiriburu eta urruneko eskualdeetan kokatutako goi-mailako 340 ikastetxeren parte-hartzea. Europako unibertsitateak Europa osoko goi-mailako ikastetxeen aliantzak dira, hezkuntzaren, ikerketaren eta berrikuntzaren arloan lankidetzan aritzen direnak ikasleen, hezitzaileen eta gizartearen mesedetan.
Erasmus+ programaren Europako Unibertsitateei buruzko 2022ko deialdia bi gairen inguruan egituratu zen: alde batetik, lehendik dauden eta hautatu diren goi-mailako ikastetxeen aliantzei finantzaketa jasangarria emateko balio izanen luke, beren epe luzerako helburua lortzeko aukera izan dezaten. Hautatutako hamasei aliantzek hogeita hamar goi-mailako ikastetxe berri inguru hartzen dituzte. Beste aldetik, deialdiak Europa osoan Europako unibertsitate berriak sortzea babestu zuen, eta goi-mailako hainbat ikastetxe bildu zituen ikuspegi estrategiko komunen inguruan.
