Uztailaren 12an, EBk 1.800 milioi euro baino gehiago inbertitu zituen teknologia garbien eskala handiko hamazazpi proiektu berritzailetan, Berrikuntza Funtsaren kargurako dirulaguntzen hirugarren txandan.
Dirulaguntza horien bidez, abangoardiako teknologiak sartu nahi dira merkatuan arlo hauetan: energia asko kontsumitzen duten industriak, hidrogenoa, energia berriztagarriak, karbonoa atzitzeko eta biltegiratzeko azpiegiturak eta energia biltegiratzeko eta energia berriztagarriak ekoizteko funtsezko osagaien fabrikazioa. Hautatutako proiektuak Alemanian, Bulgarian, Finlandian, Frantzian, Islandian, Herbehereetan, Norvegian, Polonian eta Suedian gauzatuko dira.
Hautatutako proiektuek EBko deskarbonizazio-ahaleginetan laguntzen duten sektore ugari hartzen dituzte barnean, hala nola hidrogeno berdearen ekoizpena, banaketa eta erabilera; hondakinak hidrogeno bihurtzea; itsasoko energia eolikoa; modulu fotovoltaikoen fabrikazioa; baterien biltegiratzea eta birziklapena; karbonoa atzitzea eta biltegiratzea; hegazkinen erregai jasangarriak, eta bioerregai aurreratuak. Oro har, lehen hamar urteetan 136 milioi tona CO2 aurrezteko aukera eman lezakete.
