Europako Etorkizunari buruzko Konferentziaren osoko bilkura apirilaren 29an eta 30ean bildu zen azkenekoz, eta 49 proposamen zehatzei buruzko akordioak lortu zituen. Proposamen horiek hainbat gai biltzen dituzte, adibidez, klima aldaketa, osasuna, migrazioa eta EBk munduan duen posizioa. Europa osoko herritarrek urtebete eman dute zer motatako Europan bizi nahi duten aztertzen eta eztabaidatzen beren artean, eta adostutako proposamen multzo hau zen aparteko bidaia horren helburua.
Europako Parlamentuaren, Kontseiluaren, Batzordearen eta estatuetako parlamentuen ordezkariek proposamenekin ados zeudela adierazi zuten. Osoko bilkuran parte hartu zuten herritarrek ere adierazi zuten zer iritzi zuten proposamen horiei buruz.
Europaren Etorkizunari buruzko Konferentzia Estrasburgon amaituko da ofizialki maiatzaren 9an –Europaren Eguna–, eta egun horretan Konferentziaren Batzorde Betearazleko presidenteek proposamen horiek jasotzen dituen azken txostena aurkeztuko diete Europako Parlamentuko, Kontseiluko eta Batzordeko presidenteei. Ondoren, hiru erakundeek aztertuko dute nola eman jarraipen eraginkorra proposamen horiei, bakoitzak bere eskumen eremuaren barruan eta betiere Tratatuen arabera.
