Kohesioari buruzko 8. txostenak erakusten du kohesio-politikak lagundu egin duela EBko eskualdeen arteko lurralde- eta gizarte-desberdinkeriak murrizten. Finantzaketari esker, espero da gutxien garatutako eskualdeen per capita BPGa % 5 haztea hemendik 2023ra.
Inbertsio berberei esker, halaber, % 3,5 murriztu zen gutxien garatutako eskualdeen per capita BPGaren eta gehien garatutako eskualdeenaren arteko aldea, bi muturretan eskualdeen % 10 hartuta.
Txostenak erakusten du, halaber, kohesio-politikak, bere malgutasunari esker, laguntza oso beharrezkoa eta oso azkarra eman ziela estatu kideei eta eskualdeko eta tokiko agintariei, ekonomiaren moteltzeak eta azken urteetako krisirik txarrenak eragindako aldian.
