Itziar Gomezek Nekazaritza Ministerioko Nekazaritza Politikako Konferentzia Sektorialean parte hartu du, Ukrainaren inbasioaren ondorioz nekazaritzako lehengaien eta inputen merkatuaren egoera aztertzeko
Itziar Gomez Nafarroako Gobernuko Landa Garapeneko eta Ingurumeneko kontseilariak “lehen sektoreko egoera zailari” buruzko kezka azaldu du, gaur, Madrilen, Nekazaritza, Arrantza eta Elikadura Ministerioak deitutako Konferentzia Sektorialaren esparruan. “Horri gehitu behar zaio Ukrainako gerrak lehengaien eta elektrizitatearen kostuetan eragindako igoera, bereziki pentsuetan eta energian”, adierazi du.
