Europako ganbera legegileak 47.390 milioi euroko aurrekontua planteatu du, Batzordeak proposatutako 40.800 milioi euroko aurrekontuaren ordez.

Europako Parlamentuak aurrekontu handiagoa ezarri nahi du Erasmus+ programarako (EBn hezkuntza-mugikortasuna sustatzeko programa), eskuragarriagoa izan dadin askotariko ingurune ekonomiko, sozial eta geografikoetatik datozen gazteentzat. Aldeko 454 boto, kontrako 34 boto eta 93 abstentzio izan dira, eta, hala, urriaren 22an, ostegunarekin, eurodiputatuek mandatu bat onetsi dute, 2028-2034 aldirako Erasmus+ programa EBko estatuekin negoziatzeko.

Programaren irismena zabaltzeko, eurodiputatuek honako hau lortu nahi dute:

  • 47.390 milioi euroko aurrekontua (prezio korronteetan), Batzordeak proposatutako 40.800 milioi euroko aurrekontuaren ordez.
  • Esleipen argiak eremu politiko zehatzetarako: hezkuntza eta ikaskuntza (programaren aurrekontu osoaren % 74,6), gazteria eta boluntariotza ( % 15) eta kirola ( % 4,1).
  • Erasmus+ hobeki koordinatzea EBren beste funts batzuekin, hala nola Lehiakortasunerako Europako Funtsarekin, Horizon Europe eta Global Europe funtsekin, eta estatuetako eta eskualdeetako lankidetza-funtsekin.
  • Eremu estrategikoetako bekak, sinergien bidez babestuak eta EBko beste programa batzuen bidez finantzatuak.
  • Finantzaketa-mailak aldian behin eguneratzea, benetako kostuak hobeki islatzeko.

Europako Parlamentuak honako hauek babesten ditu:

  • Helmugako herrialdeen, eskualdeen eta hirien arteko desberdintasunetara egokituriko laguntzak, kontuan hartuta bizitzaren kostua, etxebizitzaren kostua eta inflazioa, baita urrunetik edo urrutira bidaiatu behar dutenen gastu gehigarriak ere.
  • Erasmus+ programan sartzea boluntariotza- eta elkartasun-jarduerak, Europako Elkartasun Kidegokoak eta Laguntza Humanitarioko Europako Boluntarioen Kidegokoak (EBtik kanpoko herrialdeetan laguntzeko), partaidetza komunitarioa eta zibikoa indartzeko.
  • Programa zabaltzea, gaur egungo taldeetan profil eta kategoria berriak sartzeko, hala nola oinarrizko kirolean aktibo dauden kirolariak, lanbide-heziketako eta -prestakuntzako ikasleak, irakasleak eta prestatzaileak, eta EBren hurrengo agenda irakasle eta prestatzaileentzat.
  • Sarbide azkarragoa herrialde hautagaientzat, elkartzeko prozedura osatu beharrik gabe, eta lotura sendoagoak Erresuma Batuarekin eta Suitzarekin.
  • Programa zabaltzea, gaur egungo taldeetan profil eta kategoria berriak sartzeko, hala nola oinarrizko kirolean aritzen diren kirolariak, lanbide-heziketako eta -prestakuntzako ikasleak, irakasleak eta prestatzaileak, eta EBren hurrengo agenda irakasle eta prestatzaileentzat.
  • Sarbide azkarragoa herrialde hautagaientzat, elkartzeko prozedura osatu beharrik gabe, eta lotura sendoagoak Erresuma Batuarekin eta Suitzarekin.

Hurrengo urratsak

 

 

«Erasmus+ EBren arrakasta handienetako bat da, eta emaitza bikainak eman ditu. Programak anbizioa eta inbertsioa merezi ditu, lorpen horietan oinarrituta aurrera egiten jarraitzeko».

Eurodiputatuak prest daude orain EBko gobernuekin negoziazioak hasteko, gobernu horiek beren mandatu osoa onetsi ondoren, EBren epe luzerako aurrekonturako finantzaketa-maila orokorrak barne.

Informazio gehiago