Europako Batzordeak Europako Hazkunde Ereduari buruzko komunikazio bat aurkeztu du gaur. Bertan, oroitarazten dira EBk eta estatu kideek trantsizio ekologiko eta digitalari buruz hitzeman dituzten helburu komunak, bai eta erresilientzia sozial eta ekonomikoa indartzeari buruz hitzemandakoak ere. Aitortzen du Europako ekonomia aurrekaririk gabeko eraldaketak izaten ari dela, munduan oro har eta segurtasunaren arloan zehazki ziurgabetasun handiak dauden une honetan.
Komunikazioak berresten duenez, bilakaera horrek agerian uzten du gure nazioarteko bazkideekin lankidetza estuan aritzeko beharra, bai eta epe luzerako hazkunde jasangarriaren gure programa indartzeko beharra ere.
