Iruñeko Migrazio Politiketako Zuzendaritza Nagusiaren bulegoko talde batek Ukrainako pertsonen arreta koordinatuko du gaurtik aurrera, baita babeslekuari eta asiloari laguntzeko eskaintzak eta beste ekimen batzuk ere, 848421971 telefonoaren eta emergencia.ucrania@navarra.es helbide elektronikoaren bidez
Nafarroako Gobernuak Ukrainan larrialdia artatzeko eta koordinatzeko zentro bat jarri du Iruñeko Orreaga etorbidean, krisi humanitario hau gure erkidegoan sortzen ari den eskaerak asetzeko eta koordinatzeko.
Larrialdi-zentro honetako lantaldea hiru pertsonak osatzen dute —bi teknikari eta administrari bat—, eta Nafarroako Gobernuko Migrazio Politiketako Zuzendaritzak Iruñeko Orreaga etorbidean duen egoitzan premia horiek artatuko dituzte. Interesatuek bide hauek erabil ditzakete zentroarekin harremanetan jartzeko: 848421971 telefonoa, 620063662 WhatsAppa eta emergencia.ucrania@navarra.es helbide elektronikoa.
