Departamentuak sareko 38 proiektu ordaindu zituen 2021ean, eta 992.000 euroko beste diru-laguntza lerro bat du gune horien mantentze-lanak, langileak eta funtzionamendua ordaintzeko
Osasun Departamentuak gaur ireki du Nafarroako kontsultategien sarea eraberritu, handitu eta hobetzeko proiektuak aurkezteko epea. Foru Gobernuak 950.000 euroko partida bideratuko du horretarako. Finantzaketa jaso nahi duten toki-erakundeek 30 eguneko epea dute eskabideak aurkezteko.
