2021eko abenduaren 9an, Europako Berrikuntza Kontseiluaren eta ETEen Agentzia Betearazleak (EISMEA) informazio-mintegi bat antolatu zuen, berrikuntzako eskualdeen arteko inbertsioen tresna (I3) hobeki ezagutarazteko.
I3 tresnak espezializazio adimenduna eta eskualdeen arteko lankidetza baliatu nahi ditu berrikuntza sustatzeko. I3ak eskualdeen arteko lankidetza areagotzea bultzatzen du inbertsioen arloan, eta lotura jasangarriak ezartzen ditu, eskualdeko ekosistemak espezializazio adimenduneko eremu partekatuetan lotuz; izan ere, eremu horiek funtsezkoak dira merkatuak ikerkuntzen emaitzak azkarrago barnera ditzan eta berrikuntza susta dadin.
