Kontseiluak akordio bat lortu du (orientazio orokorra) energia berriztagarriei buruzko zuzentarauaren aldaketa espezifikoei buruz, REPowerEU planaren esparruan proposatuak. Estatu kideek energia berriztagarrietarako «sarbide-eremuak» diseinatuko dituzte, ingurumen-arrisku txikiagoa duten eremuetan baimen-prozesu laburtuak eta sinplifikatuak erabiliz.
Kontseiluak berretsi egin du 2030ean Batasunaren azken kontsumo gordinean iturri berriztagarrietatik sortutako energia-kuota gutxienez % 40koa izateko helburua, 2022ko ekainean onetsitako energia berriztagarriei buruzko zuzentarauaren berrikuspenen gaineko orientazio orokorrean finkatua. Batzordearen proposamena, REPowerEUn, 2030ean helburua gutxienez %45era igotzea zen. Egungo helburua (Energia berriztagarriei buruzko 2018ko zuzentaraua) 2030ean % 32,5ekoa izatea da.
