Laponiako Unibertsitateko teknikariek emango dute gizarte-zerbitzuetako profesionalei zuzendutako prestakuntza, Europako Next Generation-EB funtsekin finantzatua
Eskubide Sozialetako Departamentuak gaur goizean aurkeztu du “Sare Lana Ikuspegi Dialogikoarekin” izeneko proiektu pilotua. Hain zuzen ere, oinarrizko gizarte-zerbitzuetako profesionalak metodologia horretan trebatzeko izango da eta, era horretan, haurrak eta familiak artatzeko eredua hobetzeko, eredu hori integrala eta pertsonarengan zentratua izan dadin. Prestakuntza Europako Next Generation-EB funtsekin finantzatuko da, eta Laponiako (Finlandia) Unibertsitateko teknikariek eta profesionalek emango dute.
