Nafarroako Gobernuko Etxebizitza Zuzendaritza Nagusiak lehentasuna emango die bizitegi-eraikinen energia birgaitzeko jarduerei –batez ere inguratzaile termikoak hobetuta- eta kalteberatzat hartzen diren auzoetan kokatutako eraikinetan egingo diren esku-hartzeei, Biziberri/Nafarroa Birgaitzeko Planean markatutako birgaitze babestuaren eta hiri-berroneratzearen eta Europako Next Generation programatik datozen ezohiko funtsen kargurako laguntzen deialdi berrien estrategiaren barnean.
Ildo horretan, Etxebizitzako arduradunak Green Deal edo Europako Itun Berdean, Renovation Waben edo birgaitze-olatuan eta Trantsizio ekologikorako Navarra Green Nafarroako Estrategian markatutako helburuak aipatu ditu; hau da, 2050. urtean hirien deskarbonizazio osoa lortzeko eraikinen birgaitzean oinarritzen direnak.
