EB bigarren postuan dago ekoizpen zientifikoari dagokionez, eta bere argitalpen zientifikoen % 57 nazioarteko lankidetzaren ondorio dira.
Europako Batzordeak gaur argitaratu du zientziaren, ikerketaren eta berrikuntzaren emaitzei buruzko biurteko txostenaren 2026ko edizioa. Bertan, xehetasun osoz ebaluatzen da zein den Europaren egoera ikerketaren eta berrikuntzaren arloetan.
Txostenaren arabera, Europak mundu mailako lider zientifikoa izaten jarraitzen du. EB bigarren postuan dago ekoizpen zientifikoari dagokionez, eta bere argitalpen zientifikoen % 57 nazioarteko lankidetzaren ondorio dira. Halaber, txostenak dioenaren arabera, EBren ikerketa-kalitateak altua izaten jarraitzen du.
Hala ere, Europak arrakasta txikiagoa du indargune zientifiko hori teknologia estrategiko bihurtzeko orduan, eta kosta egiten zaio merkatuko lidergoa eskuratzea eta produktibitatea handitzea.
Europar Batasunak bere BPGaren % 3 ikerketa eta berrikuntzaren arloan inbertitzeko ezarri duen helburuarekin loturik, txostenak lau erronka nagusi nabarmentzen ditu: ikerketako eta berrikuntzako ahaleginen sakabanaketa; finantzaketaren arloko itoguneak; ezagutzaren balioespena eta teknologien hedapena; eta EBk teknologia estrategikoen arloan bere tokia indartzeko beharra, aldi berean bikaintasun zientifikoari eutsiz eta talentu hoberenak erakarriz, bereziki “Choose Europe” bezalako ekimenen bidez.
