Batzordeak “Cyber Europe” izeneko ariketa batean parte hartu du. Europako energia sektorearen aurkako eskala handiko zibererasoaren kasuan prestakuntza probatzeko diseinatu da. Ariketak probatu ditu krisiak koordinatzeko, lankidetzan aritzeko eta kudeatzeko gaitasunak, sektorearen erresistentzia ebaluatzeko.
Europa osoko ekitaldi horretan, zibersegurtasuneko 30 agentzia nazionalek, EBko agentzia, erakunde eta sare batzuek eta 1.000 adituk baino gehiagok hartu zuten parte hainbat eremu aztertzeko, adibidez, gertakariei erantzutea eta erabakiak hartzea.
Ekitaldi horren ondoren, analisi txosten batek orientabideak emanen ditu, EBko energia sektorearen erresistentzia indartzeko. Estatu kideekin eta EBko instituzio, erakunde eta agentzia eskudunekin batera, Batzordea lanean ari da hobeki prestatzeko eta eskala handiko gertakari zibernetikoei erantzuteko. EBko zibersegurtasun estrategiari buruzko informazio gehiago hemen.
