Kontseilu Europarrak formalki onetsi du enpresen jasangarritasunaren arloko behar bezalako arretari buruzko zuzentaraua. Enpresek giza eskubideen eta ingurumenaren gaineko eragin kaltegarri oro identifikatu eta arindu beharko dute, beren eragiketei, beren subsidiarioen eragiketei eta bazkideek egindakoei dagokienez. Zuzentaraua Europar Batasunaren Aldizkari Ofizialean argitaratuko da, eta 20 egun iragandakoan hartuko du indarra.
2022ko otsailaren 23an, Europako Batzordeak zuzentarau proposamen bat aurkeztu zuen enpresen jasangarritasunaren arloko behar bezalako arretari buruz. Kontseiluak eta Europako Parlamentuak behin-behineko akordio bat lortu zuten 2023ko abenduaren 14an.
