Kontseiluak hiru larrialdi-erregelamendu onartu ditu, prozedura idatziaren bidez, aplikazio-aldiaren luzapenari dagokionez, Europar Batasunaren Funtzionamenduari buruzko Tratatuaren 122. artikuluaren arabera. Artikulu hori larrialdi-egoeretarako pentsatuta dago.
Errusiak Ukrainaren aurka izandako eraso-gerraren ondoren hartu ziren larrialdi-neurriak iaz, estatu kideen arteko elkartasuna indartzeko, energia berriztagarrien hedapena bizkortzeko eta EBko herritarrak energiaren prezio handiegietatik babesteko.
2022/2576 (EB) Erregelamenduak, gasaren erosketak, prezioen erreferentzia fidagarriak eta mugaz gaindiko gas-trukeak hobeki koordinatuz elkartasuna indartzeari buruzkoak, aldi baterako larrialdi-neurriak jasotzen ditu energiaren prezio altuak murrizteko eta gas-horniduraren segurtasuna hobetzeko.
Erregelamendua beste urtebetez aplikatuko da, 2024ko abenduaren 31ra arte.
