Europako Batzordeak estatu-laguntzen Espainiako araubidearen aldaketak onetsi ditu, aurrekontua 5.610 milioi euro handitzea barne, zeharkako emisioen kostuengatik energia-kontsumo handia duten enpresak konpentsatzera bideraturik.
Batzordeak 2022ko martxoaren 16an eman zion hasierako onespena (SA.100004). Araubidearen arabera, 2021 eta 2030 bitartean jasandako zeharkako emisioen kostuen itzultze partzial baten bidez ematen zaie konpentsazioa horretarako onargarritzat jotzen diren enpresei. Konpentsazioa aurreko urtean onartutako zeharkako emisio-kostuengatik ematen da, eta 2031n eginen da azken ordainketa.
Erabakiaren bertsio ez-konfidentziala SA.106491 zenbakiarekin argitaratuko da Batzordearen lehiaren webguneko estatu-laguntzen erregistroan, konfidentzialtasun-arazoak konpondu ondotik.
