Estatuburuek edo gobernuburuek bilera informala egin zuten Granadan, Europar Batasuneko Kontseiluaren Espainiaren presidentetzapean, eta bilera horrek hausnarketa bat ekarri zuen EBren balizko hedapenaren ikuspegitik hartu beharreko neurriei buruz, eta Agenda Estrategikoaren hurrengo legegintzaldirako zimenduak finkatu zituen.
Hogeita zazpi herrialdeetako mandatariek Granadako Adierazpena onetsi zuten. Adierazpen horretan, EBk datozen hilabeteetan egin behar dituen hausnarketa estrategikoen oinarriak ezartzen dira, eta hedapenean aurrera egiteko konpromisoa hartu dute, EB indartsuagoa eta oparoagoa lortzeko.
Granadako Adierazpena da 2024-2029 aldirako Agenda Estrategikoaren orientabideak eta lehentasunak definitzeko prozesuaren hasiera.
