Batzordeak, Gaitasunen Europako Urtearen barnean, Kontseiluaren bi gomendio proposamen bere egin ditu. Helburua da estatu kideei eta hezkuntzaren eta prestakuntzaren sektoreari laguntzea kalitate handiko hezkuntza eta prestakuntza digital inklusibo eta eskuragarriak ematen, eta, horrela, Europako herritarren gaitasun digitalak garatzea.
Proposamenek, hain zuzen, heltzen diete Batzordeak eta Europar Batasuneko estatu kideek hauteman dituzten bi erronka komun nagusiei: 1) Administrazioak, oro har, ez duela inolako ikuspegirik hezkuntza eta prestakuntza digitalaren arloan, eta 2) zailtasunak daudela pertsonei behar dituzten gaitasun digitalak emateko.
