Batzordeak joan den ostiralean ezagutarazi zituen EBko lehenengo sari ekologikoen zortzi irabazleak; horien artean daude nekazari bat eta jatetxe bat, adibidez
Irabazleak Austria, Belgika, Kroazia, Frantzia, Alemania, Italia, Espainia eta Suediakoak dira, eta Europako sektore ekologikoaren eta balio-katearen hazkundea eta berrikuntza ordezkatzen dituzte, baita nekazaritzak kliman eta ingurumenean duen eragina murrizteko egiten duten ekarpena ere. EBko lehenengo sari ekologikoen banaketa EBko Ekoizpen Ekologikoaren Egunaren bigarren edizioan egin da; egun hori Europako Parlamentuak, Kontseiluak eta Europako Batzordeak abian jarri zuten iaz.
Emandako sarietako bat, emakume nekazari ekologiko onenarena, hain zuzen, Espainiako Nazaret Mateos Álvarezi eman zitzaion. Mateos Álvarez andreak barrengorrien ekoizpen ekologikorako instalazio bat kudeatzen du Espainiako iparraldean. Hazkuntza metodo paregabea garatu du, produktuaren kalitatea maximizatzen duena, eta, aldi berean, intsumoak minimizatzen dituena eta ur kontsumoa nabarmen murrizten duena.
