Batzordeak Europar Batasunaren 2021-2027 aldirako mugaz gaindiko lankidetza-programarik handiena onartu du, «Interreg programa» «POCTEP» izenekoa, Espainiako eta Portugaleko mugaz gaindiko eskualdeen arteko lankidetzarako. Programa horrek EBren 320 milioi eurotik gorako ekarpena jasoko du 2021-2027 aldirako.
ELISA Ferreirak, Kohesio eta Erreformen komisarioak honako hau adierazi du horri buruz: «Atsegin handiz hartzen dut Europan mugaz gaindiko lankidetza-programarik handiena onestea. Europako eskualdeek gaur egun dituzten erronketako askori aurre egiteko, eskualdeen arteko lankidetza handiagoa behar da. POCTEP programak Espainiako eta Portugaleko mugako eskualdeen arteko lankidetza-potentzial osoa baliatzen du, lanpostuak sortuko ditu, klimaren eta energiaren trantsizioa bultzatuko du, eta eskualde horietan bizi diren pertsonei osasun-laguntza hobea emanen zaiela bermatuko du».
Programak, besteak beste, mugaz gaindiko lankidetza bultzatuko du enpresa txiki eta ertainen sareen bidez, ikerketa eta ezagutzen transferentzia hobetzeko. Eraikin publikoen energia-eraginkortasuna hobetzeko proiektuak ere finantzatuko ditu, eta mugaz gaindiko eskualdeetan bizi diren pertsonen turismo jasangarria, kultura-ondarearen kontserbazioa, osasun-azpiegituren hobekuntza eta lanbide-heziketa babestuko ditu.
Europako lurralde-lankidetza (ELL), «Interreg» izenez ezagunagoa, kohesio-politikaren bi helburuetako bat da, eta hainbat estatu kidetako eragile nazionalen, eskualdekoen eta tokikoen artean ekintza bateratuak gauzatzeko eta politikak trukatzeko esparru bat eskaintzen du.
Interreg 30. programa 2021-2027 aldirako onartu denez,, 4.000 milioi euro baino gehiago esleitu zaizkio Interreg sozietateari, Eskualde Garapeneko Europako Funtsaren esparruan..
