Helena Dalli Berdintasuneko komisarioak Madrilgo LGBTIQ Harrotasunaren MADO saria jaso zuen uztailaren 7an, LGBTIQ pertsonen eskubideen alde egindako lanagatik eta, zehazki, EBko LGBTIQ pertsonen berdintasunerako lehen estrategiaren sustatzailea izateagatik. Saria onartzean, Dalli komisarioak honako hau adierazi zuen: «Sari hau eskaintzen diet EBn LGBTIQ pertsonen berdintasunaren alde egunero lan egiten duten pertsona guztiei eta, bereziki, egoera txarretan lan egiten dutenei. Horiei esker, EB osoa LGBTIQ pertsonentzat askatasun-eremu izatea lortuko dugu».
Europar Batasunak aurrera egin du LGBTIQ komunitatearen onarpenean, baina LGBTIQ pertsonen berdintasuna oraindik ez da eguneroko errealitate bat Europar Batasun osoan. Espainian, azken urtean soilik, LGBTIko 10 pertsonatik 4k adierazi dute jazarpena jasan dutela beren izaeragatik.
