Europako zinema garaikidea: Mendiko emakumea
Mendiko emakumea (Kona fer í stríð, Islandia, Ukraina, Frantzia, 2018)
Zuzendaria: Benedikt Erlingsson
Gidoia: Ólafur Egilsson, Benedikt Erlingsson
Argazki-zuzendaritza: Bergsteinn Björgúlfsson (C)
Musika: David Thor Jonsson
Aktoreak: Halldóra Geirharðsdóttir, Davíð Þór Jónsson, Magnús Trygvason Eliasen, Ómar Guðjónsson, Jóhann Sigurðarson
Hizkuntza: Jatorrizko bertsioa islandieraz eta ingelesez, gaztelaniazko azpitituluekin
Iraupena: 101 minutu
Berrogeita hamar urte dituela, Halla kantu-irakasleak gerra deklaratu dio aluminioaren tokiko industriari, bere herrialdea kutsatzen ari baita. Horretarako, askotariko arriskuak hartuko ditu, Islandiako ingurumena babesteko xedez. Hala ere, ezusteko gutun batek egoera aldaraz lezake, haren bidez baimena ematen baitiote, azkenean, neskato bat adoptatzeko izapideak abiarazteko.
Mendiko emakumea (Woman at War ere deitua) izeneko film islandiarrak komediaren, dramaren eta thrillerraren elementuak batzen ditu. Askok filmaren originaltasuna eta sormen narratiboa nabarmendu dute, eta goraipatu egin dute gai sozial eta politikoei modu inteligentean eta entretenigarrian heltzeko duen gaitasuna.
Film hau zenbait festibaletan hautatu eta saritu dute; besteak beste, Cannes-eko Zinemaldian, non Nazioarteko Kritikaren Saria (FIPRESCI) irabazi baitzuen Kritikaren Astearen atalean. Halaber, Europako Parlamentuaren LUX Saria irabazi zuen 2018an.
Aurkezlea: Iñaki Armendáriz
Sarrera doakoa da, baina aldez aurretik izena eman behar da web-orrian edo Kondestablearen jauregian.
Antolatzailea: EUROPE DIRECT Nafarroa, Nafarroako Filmotekarekin lankidetzan
