Europako Batzordean zein Legebiltzarrean izan da, beste 149 eskualderekin batera, eskualdeak garatzeko politika hauek duten arrakasta nabarmendu du sailburuak.
Nafarroak Europako lurralde-kohesio eta -lankidetzarako politika deszentralizatuaren alde egin du Bruselasen, jarduera bikoitza duten eskualdeen protagonismoarekin. Alde batetik, Ana Ollo lehendakariordeak Pirinioetako Lan Erkidegoaren jarrera helarazi dio Europako Batzordeari, Nafarroako lehendakaritzapean eta Belgikako hiriburuan egin baitu lehen aldiz batzorde betearazleak, eta, bestetik, ildo beretik jardun du Europako Parlamentuan, EURegions4Cohesion aliantza berretsi duten EBko beste 149 eskualderekin batera. Jakina denez, Europar Batasuna une honetan eztabaidatzen ari da Urte Anitzeko Finantza Esparrua nolakoa izango den, eta horren mende daude Interreg Poctefa programa bezalako ildo garrantzitsuak, eta kohesio-politika horiek Estatuetan birzentralizatzeko saiakera bat dago, azken urteotan eskualdeek garatu dituztenean arrakasta nabarmenarekin, lurralde bakoitzetik gertu daudelako. Nafarroa, foro hauetan zein beste gune batzuetan, beti agertu izan da egungo filosofiari eustearen alde.
Memoria eta Bizikidetza, Kanpo Ekintza eta Euskara kontseilari eta lehendakariordeak agenda bizia garatu du aste honetan Bruselasen; izan ere, udal ordezkariekin batera urtero Belgikako hiriburura egiten duen bisitan, 2026ko Europako Alkatetzen Misioaren barruan, Pirinioetako Lan Elkartearen bilera ere gidatu du. Bilera horretan, kohesio-politiken gaia jorratu du, eta Europako Parlamentuan ere beste saio bat egin du.
2028-2034 aldirako kohesioa
Ana Ollok eman dio Nathalie Verschelde Europako Batzordeko REGIO Zuzendaritza Nagusiko Unitate buruari 2028-2034 aldirako kohesio politikaren eta Europako lurralde lankidetzaren etorkizunari buruzko PLEren jarrera politikoaren dokumentua. Bilera atzo azteazkenean, izan zen, Nafarroako Ordezkaritza Iraunkorrak Bruselan duen egoitzan, eta erakunde horren Batzorde Betearazlearen bilera hartu zuen. Bertan, Nafarroaz gain – biurteko honetako presidentea –, Katalunia, Aragoi, Euskadi, Nouvelle-Aquitaine, Okzitanie eta Andorrako Printzerria daude. Bilera hori berariaz egin da Bruselan, kohesioaren gaiari heltzeko eta Europako Batzordeko ordezkariekin bilera bat izateko. Bilera horretan, beste gai batzuk ere jorratu dira, hala nola 2028-2034 Estrategia Pirenaikoa eratzeko prozesuan izandako aurrerapenak. PLEk landutako eta Ana Ollok Batzordearen Zuzendaritza Nagusiarekin partekatutako posizionamendu-dokumentuari dagokionez, testu horrek PLEk egoera horretan duen jarrera argia jasotzen eta indartzen du.
