COP30en inaugurazio jardunaldian, Europar Batasunak eta estatu kideek mundu osoko kideen koalizio zabal batekin bat egin zuten, Genero Berdintasunari eta Ekintza Klimatikoari buruzko Adierazpen Global berri bat babesteko. Adierazpenak kide guztien konpromisoa berresten du.
EBk COP29an izandako lidergoa aprobetxatuz, adierazpenak aitortzen du askotan emakumeek eta neskek egiten dietela aurre klima arrisku handienei, eta, aldi berean, aldaketa eragile boteretsuak direla, irtenbide klimatiko berritzaileak eta erresilienteak bultzatzen dituztenak.
Adierazpenak azpimarratzen du beharrezkoa dela COP30ean asmo handiko Generoari buruzko Ekintza (GEP) bat ezartzea, Klima Aldaketari buruzko Nazio Batuen Esparru Konbentzioaren esparruko ekintzara bideratua. Plan berriak lortutako aurrerapenak aprobetxatu behar ditu, dauden gabeziak konpondu behar ditu, eta bermatu behar du emakume eta neskato guztiek –herri indigenetakoek eta tokiko komunitateetakoek barne– ekintza klimatikoan bete-betean parte hartzen ahalko dutela eta horretaz baliatzen ahalko direla.
Funtsezko lehentasunak
Sinatzaileek konpromiso hauek hartzen dituzte:
- Genero berdintasuna txertatzea klimarekin lotutako politiketan, planetan eta finantzaketa mekanismoetan.
- Emakumeen parte hartze inklusiboa eta esanguratsua sustatzea erabakiak hartzean eta negoziazioetan.
- Genero ikuspegidun finantzaketa sustatzea, emakumeek gidatutakoak ekimen komunitarioak barne.
- Datuak eta ezagutza hobetzea, generoaren, hezkuntzaren eta gaitasunen garapenaren arabera bereizitako datuen bidez.
- Faktore intersekzionalei heltzea, hala nola adinari, desgaitasunari eta diru sarreren mailari, ekintza klimatiko bidezkoagoa lortzeko.
Adierazpena eskualde guztietako hainbat herrialde eta eskualde taldek babestu zuten, AILAC, AOSIS, EB eta EIG barne, eta horien artean mundu osoko 90 bat herrialde ordezkatzen dituzte.
EBk genero berdintasuna txertatzen jarraitzen du bere klima politiketan eta nazioarteko aliantzetan, emakumeen eta gazteen hezkuntza, parte hartzea eta lidergoa babestuz, Klima Ahalduntzerako Ekintzaren agendan (ACE) eta Plataforma Globalean sartutako ekimenen bidez.
Diana Acconciak, Europako Batzordeko Klimaren Nazioarteko Estrategia, Gobernantza eta Finantzetako zuzendariak, honako hau adierazi zuen:
“Genero berdintasuna ez da bigarren mailako kontua. Funtsezkoa da ekintza klimatiko eraginkor baterako. Emakumeak eta neskak ahalduntzeak munduko leku guztietan berrikuntza, erresilientzia eta anbizioa bultzatzea esan nahi du. COP30en, Generoari buruzko Ekintza Plan berri bat lortzen ahalegindu behar dugu, benetako aldaketa sortuko duena”.
EBk genero ikuspegi inklusibo eta eraldatzailea defendatzen jarraituko du klima ekintzarako, etorkizun garbi, justu eta erresiliente baterako trantsizioak inor atzean utziko ez duela bermatzeko
Hauek sinatu dute adierazpena: Latinoamerikako eta Karibeko Estatu Independenteen Aliantza (AILAC), Uharteetako Estatu Txikien Aliantza (AOSIS), Australia, Kanada, Txad, Europar Batasuna (EB), Ingurumen Osotasunaren Taldeak (EIG), Ginea, Islandia, Japonia, Moldavia, Zeelanda Berria, Norvegia, San Marinoko Errepublika, Erresuma Batua eta Uruguai.
