Europako Batzordeak Europako Bauhaus Berria 2025 saria jaso duten hogeita bi saridunak iragarri ditu. Bosgarren urtez jarraian, Europako Bauhaus Berriaren (EBB) sariek jasangarritasuna, inklusioa eta estetika uztartzen dituzten proiektu eta ekimen nabarmenak saritu dituzte, kultura, teknologia, berrikuntza eta diseinua uztartzean pertsonen eta komunitateen bizitza nola aberastu daitekeen erakusten baitute. Etxebizitza eskuragarriago eta jasangarriagoen premia larria ere sari berezi batekin aitortu zen.
Gainera, aurten lehen aldiz, 20 udalerri txiki saritu ziren, Europako Bauhaus Berriaren «Udalerri Txikientzako Bultzada» ekimenaren esparruan. Horrek azpimarratzen du komunitate horiek betetzen duten zeregina, etorkizun jasangarriagoa, inklusiboagoa eta ederragoa eratzeko lanean. Ekimen berri horrek Europako Parlamentuaren proiektu pilotu baten babesa du. Espainian, saritua izan da Ardatz eta plaza berdeak proiektua Bartzelonakoa. Proiektu horrekin, lau kale eta plaza berriro imajinatu dira, oinezkoei, landarediari eta jasangarritasunari lehentasuna emanez, kutsadura murriztuz eta komunitatearen bizitza bultzatuz. Udalerrien kasuan, sarituak izan dira Lorquí (Murtzia) Palacete de la Arboleda jauregia zaharberritzeagatik, eta Beizama (Gipuzkoa), ekonomia zirkularra eta jasangarritasuna sustatzen dituen etxebizitza proiektu batekin.
Sariak irailaren 30ean egin zen ekitaldi batean banatu ziren eta hartan, Batzordeak iragarri zuen diseinu lehiaketa bat ere, ikasleentzat haiek sor dezaten 2026ko EBB Sarien garaikur ofiziala, talentu gazteak gonbidatuz jasangarritasuna, edertasuna eta batasuna gorpuzten duen objektu sinboliko bat proposatzera. Ikasleek 2026ko urtarrilaren 31ra arte aurkez dezakete beren ideia.
